27-ШІ ХАЛЫҚАРАЛЫҚ TRANSLOGISTICA KAZAKHSTAN 2024 КӨРМЕСІНІҢ АШЫЛУЫ КӨЛІК-ЛОГИСТИКА САЛАСЫНЫҢ ЖАҢА ДӘУІРІНІҢ ШАБЫТТАНДЫРУШЫ БАСТАМАСЫ БОЛДЫ
2024 ЖЫЛДЫҢ 9 ҚАЗАНЫНДА АСТАНАДА «EXPO» ХКО АУМАҒЫНДА 27-ШІ ҚАЗАҚСТАНДЫҚ ХАЛЫҚАРАЛЫҚ «КӨЛІК ЖӘНЕ ЛОГИСТИКА» — TRANSLOGISTICA KAZAKHSTAN 2024 КӨРМЕСІНІҢ АШЫЛУЫ ӨТТІ.
Биылғы жылы көрме өзінің серпінді дамуы мен өсуін жалғастыруда, бұл қазақстанның көлік-логистикалық нарығына деген қызығушылықтың артып келе жатқанын және оның халықаралық көлік дәліздеріндегі шешуші рөлін көрсетеді. Экспоненттер арасында Австрия, Әзірбайжан, Беларусь, Болгария, Германия, Грузия, Үндістан, Қазақстан, Қытай, Литва, Латвия, БАӘ, Ресей, Румыния, Түрікменстан, Түркия, Өзбекстан, Швейцария және Эстония сияқты 19 елден 213 компания болды. Ұлттық стендтермен өздерін Литва, Латвия және Эстония таныстырды. Логистика мен көлік саласындағы озық шешімдерді ұсынған Литва, Латвия және Эстонияның ұлттық стендтері ерекше келушілердің назар аударды. Тек бірінші күні ғана көрмеге әлемнің 49 елінен кәсіпқойлар келушілер болды, бұл да оқиғаның қажеттілігін айқындайды.
Дебютанттардың саны қатысушылардың жалпы құрамының шамамен 25%-ын құрады, бұл бизнесті ілгерілету, тәжірибе алмасу және жаңа серіктестік байланыстар орнату үшін платформа ретінде көрменің маңыздылығы мен тартымдылығының артып келе жатқанын көрсетеді. Көрмеде алғаш рет Gebruder Weiss, Unterer Ocr, Taklog International Transports, ABS Group Solutions, Global Customs KZ, Global Trans Company, Kaztralservice және т. б. компаниялар стендтермен өздерін таныстырды.
Көрме өз жұмысын таспаны символдық түрде кесіп, Пленарлық сессия аясында өзекті салалық мәселелерді одан әрі талқылаудан бастады. Диалогқа Қазақстан Республикасының Көлік Вице-министрі Мақсат Қалиақпаров, «Атамекен» ҚР ҰКП Басқарма мүшесі, Басқарма Төрағасының Орынбасары Мұрат Әмірин, «KAZLOGISTICS» Қазақстанның көлік Одағының Бас директоры Қанат Әлмағамбетов, Қазақстан Республикасы Көлік министрлігінің Көлік саясаты департаменті директорының орынбасары Сатжан Өзбеков қатысты.
М. Қалиақпаров өзінің құттықтау сөзінде: «Жыл сайын көрме біздің саламыздың алдында тұрған өзекті мәселелер мен сын-қатерлерді талқылау үшін маңызды тұғырнамаға айналуда. Біз Translogistica Kazakhstan жетістіктерді көрсету орны ғана емес, сонымен қатар тәжірибе, білім және идеялар алмасу алаңы ретінде қызмет ететінін мақтан тұтамыз. Бұл мемлекеттік органдардың өкілдерінен бастап бизнеске дейін барлығымыз үшін кездесуге, стратегияларды талқылауға және маңызды байланыстар орнатуға бірегей мүмкіндік» – деді.
Мемлекет басшысы Қ-Ж. Тоқаевтың тапсырмасына сәйкес, Қазақстанның Еуразиялық өңірдің негізгі транзиттік хабына айналуының стратегиялық мақсатына қол жеткізу қажет. Біздің мақсатымыз – өңірдің экономикалық өсуі мен дамуына ықпал ететін тиімді және бәсекеге қабілетті көлік жүйесін құру. «Бұл тұрғыда сіздің қатысуыңыз ерекше мәнге ие. Сіздер — тәжірибелі мамандар, құнды тәжірибемен, инновациялық шешімдермен және үздік практикамен бөлісе алатын эксперттерсіз. Осы көрменің барлық қатысушылары арасындағы ақпарат алмасу және ынтымақтастық көлік жүйелерінің барлық қатысушылары арасындағы байланыстарды нығайтуға, сондай-ақ бірлесіп өсу үшін жаңа серіктестер іздеуге ықпал етеді», – деп түйіндеді Вице-министр.
Іскерлік байланыстарды дамыту және өздерінің ұлттық компанияларын қолдау үшін Translogistica Kazakhstan көрмесіне Беларусь, Болгария, Венесуэла, Грузия, Латвия, Литва, БАӘ, Ресей, Румыния, Эстонияның дипломатиялық миссиялары мен халықаралық іскерлік қауымдастықтарының өкілдері келді.
Көрмемен қатар семинар аймақтарында қызықты іскерлік бағдарлама өтті. Алғаш рет «Қазақстанда теміржол көлігі мен инфрақұрылымын дамыту» және «BreakBulk Kazakhstan: ірі габаритті және ауыр салмақты жүктерді тасымалдау» тақырыптарында негізгі салалық конференциялар өтті. Сондай-ақ, «Қазақстан-Нидерланды» Іскерлік кеңесі өтті, оған ірі көлік компанияларының, порттар мен терминалдардың өкілдері қатысты. Кеңес Қазақстан мен Нидерланды арасындағы экономикалық ынтымақтастықтың жаңа кезеңі үшін перспективалар ашты. Қатысушылар сонымен қатар іскерлік мәселелерді талқылауға және B2B кездесу форматында жаңа серіктестіктер орнатуға мүмкіндік алды. Сондай-ақ, OkLog жаңа кешенді жүйесінің презентациясы өтті, ол операторлар мен экспедиторлардың ставкаларды, өтінімдерді және вагон паркін басқарудағы жұмысын автоматтандыруға арналған инновациялық шешімдерді көрсетті.
Ертең, 10 қазанда TransLogistica Kazakhstan 2024 іскерлік бағдарламасы бірқатар негізгі іс-шаралармен жалғасады. Кәсіби мамандарды I «Көлік және логистикадағы IT шешімдер» конференциясы күтеді, онда логистикалық процестерді оңтайландыруға арналған заманауи цифрлық құралдар талқыланады. Сондай-ақ, III Халықаралық «Қазақстандағы қойма логистикасы нарығы» Конференциясы өтеді, онда қатысушылар қойма инфрақұрылымының өзекті трендтері мен сын-қатерлерін талқылайды. Сол күні «TRANSEXPEDITIONS» ЖШС-нің бірқатар семинарлары өтеді, ал Латвиялық SIA SIGIS компаниясы тасымалдауды басқарудың автоматтандырылған жүйесін ұсынады.
11 қазанда іскерлік бағдарлама EXPERT TALKS аясындағы сараптамалық пікірталастар сериясымен аяқталады, онда қазақстандық көлік апталығының қорытындылары шығарылып, болашақта саланы дамыту перспективалары талқыланады.
Көрменің ұйымдастырушылары – Қазақстандық Iteca көрме компаниясы, оның халықаралық серіктесі – ICA Events компаниялар тобы және Атакент-Экспо. Іс-шараның серіктестері – BMF Port Burgas. НОВОТЕК, Победит Транс.
Іс-шара дәстүрлі түрде Қазақстан Республикасы Көлік министрлігі, «Қазақстан Темір Жолы» ҰК» АҚ, «KAZLOGISTICS» Қазақстан көлікшілер Одағы, Қазақстан тасымалдаушылар және вагон операторлары қауымдастығы, Қазақстан Республикасының Ұлттық Экспедиторлар Қауымдастығының қолдауымен өтеді.
Көрменің есігі 11 қазанға дейін ашық, www.translogistica.kz іс-шара сайтында алдын ала тіркелу бойынша көлік-логистика саласының мамандарын күтеміз
